黃家諾（Jimmy）投資過百萬元代理美國首飾品牌，首次做老闆的他，昨日獲母親、女友Marcela及好友房祖名出席新店記者會撐場，但前女友關之琳則沒現身支持。問Jimmy是否學關之琳息影，他雖謂仍舊會拍戲，但會以生意為先。
黃家諾代理美國銀器首飾JustinDavis，昨日在銅鑼灣DelayNoMall新店開記者會，他的母親專程由美國回港出席，其巴西、日本混血女友Marcela則示範首飾，但舊愛關之琳則不見蹤影，記者叫Jimmy拍攝全家福時，他即時耍手擰頭。
計劃6月結婚
Jimmy透露自己第一次做生意，他說：「籌備咗四個月，我識咗JustinDavis個老闆，大家以拍檔形式合作，成盤生意過千萬，我就投資咗過百萬。」問他是否準備學前女友關之琳息影，瞓身搞生意？他說：「都會繼續拍，但就生意多啲，之前有廣告要去非洲拍，但撞咗期都推咗。」
銅鑼灣出名貴租，Jimmy表示開業數星期業績滿意，他說：「喺外國ParisHilton、Madonna都有戴，日本有8間專門店，搵咗土屋安娜做代言人，但香港嚟講，個牌子好新，要多啲宣傳。」
問有否送予關之琳試戴？Jimmy即說：「送畀邊個都冇所謂，最重要係啱用、啱形象，不過佢都未嚟過。」問何時與女友Marcela結婚？他說：「未諗住，若果係，希望6月，不過未知邊年。」
頸鏈示愛失敗
此外，捧場的房祖名自爆14歲時曾送頸鏈示愛，他說：「我送咗一條用咗三年利是錢、3000蚊買嘅頸鏈畀個女仔，點知佢收完，回信話自己有男友，我幾想叫佢畀番我，我好似中惡咒咁，一送貴嘢就會散。」
採訪：JessicaNgan
攝影：RickyIp
