曾與郭富城、中田英壽傳緋聞的中法混血名模AmandaStrang，近期又被指獲章子怡前男友霍啓山狂追。電力十足的Amanda前晚演出時裝騷時回應緋聞時勁讚霍啓山靚仔、讀書叻，是謙謙君子。完騷後，Amanda即與男友撐枱腳，二人扭麻花般攬實返香閨，愛情生活多姿多采。
香港貿易發展局前晚在尖沙嘴舉行「ABraveNewWorld」時裝滙演，名模AmandaStrang、熊黛林、姚書軼、AnaR.和Rosemary等假期過後復工行騷，演繹18位香港青年設計師的繽紛新作。
「讀書叻人好好」
混血名模Amanda早前被拍到與霍震霆二子、章子怡前男友霍啓山夜蒲飲酒，有指霍啓山不理Amanda有男友，近3個月力追她，更狂發冧女SMS。Amanda前晚完騷後，即指報道是「littlejoke」，她說：「我哋係朋友，喺bar度飲嘢，我哋冇乜身體接觸，佢都冇攬我，做番朋友做嘅事。」有指霍啓山狂發甜蜜短訊？Amanda說：「冇收過，若果有，內容真係好sweet。」她又謂不知霍啓山是否追求她，問她可會接受追求？她說：「冇諗咁多，我同佢係好朋友。」
問到其意大利籍男友Christian有沒有投訴、呷醋？Amanda說：「冇乜感受，佢唔會驚，因為我對佢好好，就算佢知邊個追我，都一定媾唔到我，佢好放心。」Amanda都承認霍啓山條件好，她說：「佢好靚仔，人好好，讀書又叻，係realgentleman，sure好多女仔會鍾意佢。」會否一腳踏兩船？她即轉講國語：「劈腿我不會！」然後繼續說：「我唔係咁快嘅女仔，要一個一個嚟，我會繼續同佢做朋友。」記者笑她每次都會跟靚仔傳緋聞，Amanda即忍不住說：「我lucky囉！」
攬實打的返愛巢
前晚完騷後，Amanda於9時由助手陪同坐的士，直往銅鑼灣開平道的daDomenico意大利餐廳，原來其意籍男友Christian早已在場等候佳人，倆口子浪漫開餐兩小時後埋單離開，Amanda和男友甫出食肆即十指緊扣，有講有笑，又互攬腰漫步，有如脆麻花般攬到實，煙韌步往附近的士站，Christian甚有風度地先為女友開車門，接着尾隨登車，齊返跑馬地樂景台愛巢。
採訪：RitaLeung、娛樂突發組
攝影：MatthewLam、娛樂突發組
