日本女歌手濱崎步前日喺收費歌迷網站自爆左耳失聰，引來歌迷無數回應。步姐噚日再度留言，感激歌迷支持。步姐話當得知左耳檢查結果之後，曾經腦中一片空白，但其後佢反而笑住咁接受現實。堅強嘅步姐仲叫大家唔好睇得太悲觀，因為歌迷會變成佢嘅左耳，只要聽到歌迷嘅呼喊聲，就會令佢繼續走下去。