《慈善星輝仁濟夜》前晚在將軍澳電視廣播城舉行，方力申與鍾欣桐、鄧麗欣兩位緋聞女友同場出現，但兩女鮮有交談。阿嬌本月21日生日，問方力申送甚麼禮物給她，未有頭緒的他竟然話送三文治，真是想不到他出手如此低。
方力申先後與鍾欣桐（阿嬌）、鄧麗欣（Stephy）傳過緋聞，三人前晚難得在無綫節目《慈善星輝仁濟夜》擔任表演嘉賓，記者要求小方與Twins合照，三人大方答應。
27歲大個女
由於阿嬌於本月21日生日，記者問她會否叫小方送禮？她笑說：「唔會叫朋友送禮，買我隻碟就可以。」拍檔蔡卓妍（阿Sa）聽後插嘴說：「我幫你叫所有人送禮物畀你呀！」
問阿嬌如何慶祝生日？她說：「當日仲要入廸士尼樂園做嘢，不過到時可以見到米奇，我都好開心。生日之後我就27歲，大個女啦！最近有網民話咁大個人仲喺度扮𡃁妹，我聽網民咁講，其實係幾開心，因為以前成日俾人話𡃁妹扮大個，𠵱家終於俾人認同係大人啦！」
小方被問到會否送生日禮物給阿嬌時，他說：「仲有十幾日先係佢生日，唔使咁心急，佢生日會送禮物畀佢，同時亦會買佢隻碟，我一向支持本地歌手，所以乜嘢碟都會買嚟聽吓！」問小方送甚麼生日禮物？他說：「未諗呀！就算送一塊普通三文治都得。」記者笑他是否覺得與阿嬌的交情只值一塊三文治？他連忙澄清：「你哋唔好咁講，我唔係咁嘅意思，當我冇講過嘢啦！」
Stephy用心練歌
問到Stephy同場出現，是否令他很忙？小方沒好氣說：「我唔忙喎！只唱一part。」而Stephy前晚唱《再見不是朋友》有一粒音走音，事後她表示：「有咩？我聽唔到喎！你哋唔好成日咁講，我已經好畀心機練歌，自己已經好大壓力，你哋唔好逐粒字嚟評啦！」
前晚仁濟夜約籌得2,600萬，成績不俗，全晚最吸引的表演，當然是孫耀威與衣着性感的陸詩韻、周家蔚與呂慧儀三位港姐一齊表演。另外，孫耀威噚日到屯門出席滅罪嘉年華，原來他以前住西貢村屋曾被賊人爆竊，其《愛的故事上集》金唱片都被偷去。除了有紀念價值的東西外，孫耀威還表示全屋只剩一部大牛龜34吋電視，護照和現金都被盜，所以現在搬到大廈居住，但卻經常閂窗避狗仔隊。
採訪：王崇穎
攝影：陳俊強
