宣萱及關楚耀(Kelvin)昨日獲保護遺棄動物協會邀請，到大潭篤出席步行活動，宣萱更帶同11歲的愛犬LuLu到場。Kelvin表示其好友近日將一隻金毛尋回犬寄養在他家中，令他深深感受到養寵物的責任很大，他說：「香港人太忙啦，如果冇時間帶隻狗落街跑，或者冇時間陪佢玩嘅話，我勸大家唔好養，咁樣對佢哋好唔公平。」
堅持養流浪狗
Kelvin又指不贊成情侶間以小動物作為禮物，他續說：「如果一對情侶感情好穩定就唔怕養，但係剛開始拍拖就唔好送小動物畀另一半啦，我自己都冇試過送動物畀女友。」宣萱就表示日後會堅持收養流浪狗，她希望可以影響身邊朋友有同樣的想法，她又透露會出席蔡少芬的婚禮，她說：「我未見過佢老公，都係喺雜誌見到，我打算送一份啱佢新居用嘅禮物畀佢。」不過宣萱指自己感情上仍未有着落，仍在尋覓的階段。
採訪、攝影：李珮洳