踏入08年之後，港股嘅表現好波動，頭兩日跌咗近千點，上個禮拜五抽高番600幾點，但當晚花旗股市跌到一仆一碌，今日港股都係「瓜多過菜」，花旗嗰邊立立亂，就算今日港股低位有支持，都唔好咁勇博反彈，因為今晚花旗股市可能仲有驚險場面。
恒指100日線守唔守到好快就知，不過，短炒要避開大藍籌，「六行三保」暫時唔好買住，油股同金股仍係市場焦點，可以睇住炒，其他股份就炒個別，睇住啲當炒嘅Sector，近日熱炒嘅消費股仍會偏好。
駿威C輪3550：駿威（203）上周五收5.22元，升破咗近兩個禮拜嘅橫行區，成交都幾大，睇個勢會試衝5.4元，破位就睇5.8至6元，可以買少少C輪3550，等正股升破5.4元先加注，隻輪現價1.31元，有效槓桿3.2倍。
駿威升上6元，3550會升近2元，正股跌穿4.9元止蝕。