「大口女模」同男友感情穩定，仲成日講到想結婚，其實佢哋拍拖只不過三年左右，喺未同呢個男友一齊之前，大口女模成日想釣金龜婿，關仁早排同模特兒界嘅老友傾開偈，原來大口女模以前逢聖誕、新年，都會去ball博識公子哥兒，其實本來都冇乜點嘅，大把女藝人同女模都會去ball，不過佢哋多數都係有朋友邀請先會去，因為呢啲五星級酒店搞嘅聖誕、除夕ball收費昂貴，動輒3、5千蚊一個位，所以唔會自己畀錢去，不過大口女模就好揼本，自己畀錢買飛，年尾去幾個ball都使唔少，而且仲要畀啲行家笑，話佢咁cheap要自己畀錢，𠵱家佢有咗個真命天子，唔知係咪去ball識番嚟嘅呢？
Textby關仁