胡杏兒昨日穿上DeepV黑裙，在中環為珠寶店Mabros主持剪綵禮，在場內又拿着一枚16卡方鑽拍照。胡杏兒指自己昨日戴上3,000萬元的鑽飾，去年工作成績好，令她不禁心思思想買鑽石獎勵自己，她說：「我想買鑽石耳環，大約五、六位數字啦，女人要有鑽石傍身，保值又可以留畀仔女。我後母好鍾意買首飾，所以我將來都唔憂冇嫁妝！」
黃宗澤冇送過
杏兒更開到口叫身邊人送，她說：「自己買當然開心，有人送都唔拘㗎，奶奶（指汪明荃）自己有好多，應該送啲畀我。」緋聞男友黃宗澤若送16卡方鑽，問杏兒可敢收？她即說：「冇問題，朋友都可以收㗎，我唔怕收呀，收咗又唔代表啲乜嘢，不過佢都真係冇送過鑽石畀我。」
採訪、攝影：RitaLeung