商台眾DJ包括林海峰、森美、小儀、ILoveYouBoyz及有耳非文等，昨日到apm出席「叱咤20周年紀念八達通」記者會，有份設計八達通的吳君如及黃耀明都有到場。君如透露聖誕期間與家人到了台灣旅行，可惜未能成功造人，她會繼續努力，希望生個鼠年BB。對於杜汶澤近來的負面新聞，君如力撐說：「我前日先同佢食完飯，我哋從來冇不和，佢好努力工作，我都想佢好。」
事實上，君如和杜汶澤前晚在銅鑼灣daDomenico意大利餐廳撐枱腳，席間杜汶澤說話七情上面，君如則聽多過講，至晚上10時離開時。
有耳非文嘆可憐
此外，近日有網民批評有耳非文主唱的《東京鐵塔下gulugulu》得到叱咤頒獎禮歌曲獎是造馬，並指該曲不及鄧麗欣的《電燈膽》受歡迎，對此有耳非文說：「其實我未做商台DJ之前都有拎過叱咤嘅獎，所以絕對唔關我係商台DJ事，我想話我呢啲獨立創作歌手好可憐，有獎就俾人話，冇獎就冇渠道出聲。」
採訪、攝影：李珮洳、陳順禎、娛樂突發組