「人搖福薄，樹搖葉落！」阿媽成日教Net人不要un腳。網友siuming119說：「識人成日un腳，男仔居多，坐埋嗰啲一排嘅chair，都feel到個人unun下，好唔舒服，都唔明點解啲人要un腳，唔通啲人神經不受控？」其他網民亦「喊打喊殺」：「就算見到唔識嘅人……見到佢un我都好想打佢隻腳」，又說「直情想打斷佢」。
無關心理與生理
專家點睇？香港脊骨神經學會會長陳顯強醫生說：「un腳絕對係一個壞習慣，完全唔關脊骨神經嘅事。」臨床心理學家鄭淑儀也認為：「同神經及心理都毫無關係，唔係一種行為模式，只不過係無聊行為，同間唔中撥頭髮一樣。」
不過在玄學上，un腳就大有學問，玄學家吳佩孚指出：「腳乃人之根基，當以四平八穩為佳，對腳唔穩會幾弊，搵到錢都唔會長久，而且un腳嘅人大多數輕佻浮躁，容易得罪小人，同上司及長輩關係亦唔多好。雖然un腳嘅人好多時少年運都過得去，但所謂人搖福薄，佢哋晚運始終都係差啲。」明白！喂、喂、喂，你仲un?
http://www5.discuss.com.hk/viewthread.php?tid=6096922&extra=page%3D7
《蘋果》網聞請你報料！大家無論在網上網外發現任何騎呢搞笑的事情，
都歡迎提供照片或短片資料。一經採用可獲酬100元
請附姓名、電話及電郵地址，電郵到：mailto:[email protected]