李安話過，每人心中都有座斷背山，我就話，每個波迷心中至少有場英足盃回憶。
我前晚喺〈拉闊〉提到85年決賽曼聯贏愛華頓，只係心目中經典之一，查實仲有87年高雲地利憑剎那光輝嘅射手侯澄，喺決賽擊敗熱刺，88年決賽溫布頓爆冷贏利物浦，仲有89年4強森林對利物浦人踩人慘劇，同埋99年4強傑斯舞龍入波淘汰阿仙奴……。
明日我貼盧頓對利物浦，廿年前盧頓憑人造草場贏紅軍呢支歌仔冇得唱囉，而今日我會追曼聯，冇理由連贏維拉12次，會衰喺我手？
主客和：曼聯勝
心得：唔信紅魔連輸3場盤
近5場往績：輸輸贏贏輸
藍鑽石
忙於為與簡拿華路同日生的囡囡換片、掃風，但睇意甲，一場都不能少。