放完大假叉足電，畢傑又再重新投入寫稿工作，喺呢9日假期入面，我真係學識咗好多嘢，眼界闊咗、耐性好咗、連我個日本V字牌銀包都扁咗。同野口食咗餐晏，傾完偈感覺好舒服，多謝你愛麗絲！
識畢傑嘅都知我最鍾意巴西，球員就永遠都最鍾意朗拿度。早排聽到呢個AC嘅死肥仔聲稱返祖國療傷，點知原來同阿祖去蒲。藍鑽石成日同我講：「朗拿度唔掂喇！」唔緊要，我知肥哨只係暫時迷失，我深信佢仍然做到AC正選，甚至重返國家隊，我會等呢一日來臨，我好樂觀嘅。果然，最近聽到好消息，肥哨有跟AC去杜拜操，佢諗通咗肯回頭，好事近囉。
突然醒起曾喺彼德堡讀書嘅老友史堤芬弗遜，佢話彼德堡呢班波主場已經冇乜人入場，作客就小貓三、四隻，英足盃識買高車士打啦。
主客和：高車士打勝
心得：彼德堡講明升班好過
近5場往績：走贏贏贏贏
畢傑
就算朗拿度點沉淪，我依然最愛呢個死肥仔；聖西路小天地唔啱你，請過祖記。