早排睇黃子華棟篤笑，筆者唔係第一次捧場，今次依然好笑，而且仲經常唱歌，尤其唱哥哥早期名曲「第一次」，搵埋觀眾上台一齊玩，真係有味得嚟又搞鬼。
如果錯過咗，想睇番都真係要等佢出番隻VCD或者DVD先有機會，但最近行過影碟舖，發現黃子華早年嘅棟篤笑show《拾下拾下》出番隻DVD，對於多年嚟一直睇VCD版嘅「粉絲」確係喜訊，如果從未睇過嘅不妨買番隻，值得一睇。
今周英格蘭踢足總盃，強隊喺第3圈甚少失拖，今次再推介車路士主場𡁻昆士柏流浪，贏波問題唔大。
讓球主客和：車路士勝[-1]
心得：強隊第3圈少失手
近5場往績：贏輸輸輸輸
戰鬥員A
平手盤捧主隊續係今季宗旨，想避免中鬼盤？留意我阿A啦！