除夕夜要開工，留喺公司倒數之際，先睇到「男方」喺三色台獻唱○七年最後一首歌，睇嚟「DD姐」落咗唔少嘴頭，睇完國金煙花之後，另一個場合又見到「儍女」獻唱。
潮流興復刻，睇見時下歌手對走音不以為然，復出歌手應該陸續有來。
新不如舊？華倫西亞教練朗奴高文唔係咁諗，上年講明唔再用簡尼沙利斯、艾比達等老將，搞到班常規主力冇晒癮，一月即刻用成千三萬鎊簽下阿根廷新星賓尼加，呢位中場有冇以前艾馬咁勁就好難講，不過起碼講畀家陣班華倫兵聽，要留隊就要畀啲心機。
上仗華倫大勝皇家聯盟戰果唔算叻，不過見到施積識入波，韋拿仔後備復出，今仗主場對同市冇糧出嘅利雲特，唔大勝多一場就好難交代嘞！
讓球主客和：華倫西亞勝[-1]
心得：韋拿仔復出嘞
近5場往績：輸輸贏贏輸
牽牛
施丹退休，頓感失落，期待阿仙奴的法比加斯他朝有此神乎奇技。