呢期落西菜大家都會發現所有電器舖，都以高清廣播節目做Demo，而且最多人圍、最多人問都係出乜機睇電視最好！老實講句，對兩台嘅高清節目真係有啲失望，顏色、線條冇睇開Blu-ray咁實淨，而且低反差位嘅PanShot如一大片草地，仲經常出現起格、重Noise等問題，呢個正係大家選機時最值得留意的地方！
X仔表現最靚
SONYBRAVIAX系列一向都係LCDTV中頂級機種，最強之處係加入BRAVIAENGINEPRO視像引擎配FullHD/1080p，對低反差位Noise好明顯有畫質增進能力，最強是對LCDTV死症──高速畫面有殘影，都可以完全救晒難佢唔倒。好主觀講句，暫時睇高清節目廣播，單就呢兩點已經難倒唔少日、韓大廠名機，但呢隻X仔係表現得最靚嘅！
Plasma靚過LCDTV
唔講可能唔知，其實AV場Sales都仲好撐Plasma！原因係結構上嘅分別。Plasma是以發光二極管原理，每粒Pixel都是獨自發光，所以Plasma所表現的色彩層次較豐富，相對LCDTV反應時間較快且無咁易有殘影。當中Panasonic呢隻TH-42PY700H亦係罕見地行點對點1080i/p，用嚟睇高清廣播，特別富有立體感時，顏色表現亦特別自然。