歌王歌后教精新丁<br>Eason:要有性格 祖兒硬銷3P

歌王歌后教精新丁
Eason:要有性格 祖兒硬銷3P

陳奕迅(Eason)與容祖兒前晚以歌王歌后身份帶領一班新人演出《勁歌》,二人又以前輩身份教誨新人,Eason提醒新人不要做太多違背自己的事,要有性格,祖兒則教新人3P,即preparationx3。

陳奕迅與容祖兒前晚以06年度最受歡迎男、女歌星身份,到將軍澳電視城錄影《勁歌金曲》,帶領一班角逐今屆新人獎的歌星獻唱,新人中惟獨林峯缺席。祖兒帶女歌星合唱,Eason率男歌星表演,現場氣氛融洽。
早前雖有傳Freeze遭杯葛,前晚三人也與其他人有講有笑,當Freeze介紹自己為「香港第一隊性感組合」後,農夫說:「我哋係香港第一隊感性組合。」惹得全場大笑。

農夫聞得Freeze(右圖)自稱性感組合,他們即自封為感性組合。

讚小肥好聽

事後Eason論斷眾男新人,問他是否全部認識,他說:「OK啦,洪卓立、周柏豪都好高,陳柏宇、Oscar唔錯,小肥唱得好好又肯玩,我公司嘅林威辰就好低調。」他又告誡新人說:「最緊要有自己諗法,artist都係,要有自己風格,唔好人哋話乜就乜,可以問人意見,但態度照舊,唔好做太多違背自己意願嘅嘢,冇咗自己性格就唔係自己,做得太多違背自己嘅嘢,個人會迷失。」Eason又指今年男女新人質素平均。

唔打天才波

祖兒則謂會做好榜樣給一班後輩,她說:「我要做好榜樣唔要騎呢呀,新人好似BB咁,有樣學樣㗎。」問她對新人有甚麼教誨?她說:「要有3個P,preparation(準備),要乘3,最重要係上台前做好準備,冇得打天才波,每件事經歷嘅階段都有唔同嘢發生,唔準備好易發台瘟。」祖兒謂看好同公司的鍾舒漫,她說:「佢越嚟越靚,HotCha都好可愛。」
採訪:胡比 攝影:葉君海

新丁上場

江若琳

陳柏宇

鍾舒漫

小肥

梁雨恩

Oscar