黃貫中（Paul）跟黃家強的不和已到達白熱化階段，二人前晚在一個頒獎禮獲頒創作歌手獎，但他們同台如陌路，視對方而不見。阿Paul下月會跟葉世榮在北京舉行兩場「Beyond雙傑北京演唱會」，他強調自己不是第一個以Beyond名義舉行演唱會的人，還指家強兩年前在內地也以Beyond名義開騷。家強則還拖說：「掛Beyond個名，對Beyond歌迷嚟講係咪真正Beyond先，咁我係乜呢？」
黃貫中和黃家強前晚在灣仔出席「RoadShow至尊音樂頒獎禮2007」，二人一同獲得至尊創作歌手獎，阿Paul女友朱茵則擔任頒獎嘉賓。阿Paul、家強和葉世榮於05年2月在紅館舉行完6場「BEYONDTheStoryLive2005」演唱會後，解散組成了22年的Beyond，此後各自發展，當時他們自稱因彼此有不同的音樂理想而拆夥。但其後阿Paul和家強有傳不和，原因是家強涉嫌放料，將阿Paul及朱茵外遊一事告之傳媒，令朱茵被拍下容貌甚殘的泳衣照，兩兄弟自此反面。阿Paul與世榮將於下月在北京工人體育館舉行兩場「Beyond雙傑北京演唱會」也沒有預家強一份兒，兩人關係再陷僵局。
前晚三位主角同場出現，阿Paul與家強同台領獎時，雖然中間只夾着何韻詩，但完全沒有交流，二人在台下被安排坐得很近，但也是當對方隱形，家強更借故不停跟身後的張敬軒閒聊。擔任頒獎嘉賓的朱茵在台上被司儀指最錫她的人坐在台下，但現場鏡頭卻影着家強，令家強十分愕然，阿Paul則不在座位。
互當透明
「要叉叉第一個」
事後阿Paul表示跟家強同台沒有尷尬，但問他有否跟家強交談時，他說：「冇，冇同任何一個歌手傾偈，不過有同克勤傾幾句。」再問他朱茵上台頒獎時，當指最錫她的男朋友在台下時，鏡頭卻影着家強，他說：「我喺後面jam緊嘢，嗰行冇人。」提到朱茵日前出席活動指他們男人事應自己解決，不要拖她落水，他聞言說：「男人嘅嘢最好自己搞掂番晒佢。」問阿Paul可會採取主動，他說：「如果前面有個窿會叫佢小心啲，唔好踩落去，我絕對唔會因錢同女人傷感情，呢樣嘢係冇義氣同無能，細路仔咩？」
阿Paul下月跟世榮舉行演唱會飛起家強，問他可覺得不對，他說：「如果用Beyond個名係唔應該，咁就應該拎去打靶啦，自己了解過，只不過用Beyond雙傑，唔係用Beyond名義開演唱會，我之前睇報紙先知，兩年前家強同世榮仲有陳慧嫻都用Beyond個名開演唱會，我唔係第一個，要叉叉第一個，而唔係最後一個。」
二人開騷
「咁我係乜呢？」
家強對於阿Paul及世榮以Beyond名義開演唱會，直言不清楚事件來龍去脈，但家強認為是主辦單位搞噱頭，繼而充滿火藥味地說：「呢樣嘢兩個當事人控制唔到，但宣傳手法唔應該俾人利用Beyond做掛帥，合唱唔係大問題，大型演唱會掛Beyond個名，對Beyond歌迷嚟講係咪真正Beyond先，咁我係乜呢？Beyond係四位一體，三個喺地，一個喺天。」家強對於阿Paul向他指摘於兩年前也用Beyond名義開演唱會，他說：「好似冇Beyond個名，自己只負責唱一隻歌，冇乜印象，但應該係用Beyond成員介紹我個名，而唔係用Beyond演唱會，要調查過，唔想有誤會，咁對我唔公平。」
今年是Beyond成立25周年，對於會否開演唱會去紀念，家強直言甚難：「我條心一致，但有條心唔一致。」他表示今年的家駒逝世15周年，會為他舉行慈善活動。
採訪：王連連、羅慧敏
攝影：陳偉權、陳順禎
娛樂資料庫：Beyond做嘉賓獨見世榮
2004年9月有內地主辦商舉辦「2004陳慧嫻經典金曲湛江演唱會」，聲稱演唱會嘉賓是Beyond，但到最後Beyond三子中只有葉世榮及其樂隊現身，而陳慧嫻也只唱了三首歌曲便離去，事後惹來不少Beyond歌迷不滿，更揚言要追究主辦商及索賠償。
