名模姚書軼（Mikki）早前與父母及男友Sunny到雲南麗江旅行一星期，雖然行程改動，去不到美麗的香格里拉及女兒國，但Mikki揚言非常值得一遊，更感受到當地文化歷史。
Mikki說：「我哋第一日天未光就出發上雪山，成三千幾米，落山之後，爹哋就出現高山反應，頭痛、反胃，我都有啲頭暈，所以冇再去其他難行嘅地方，改為跟當地團睇東巴文化嘅少數民族古村。」
愛上吃米糕
其後Mikki騎馬上山，第二次騎馬的她未上馬已被馬名嚇親，她說：「佢哋話會騎『癲馬』，我一聽就好驚，原來唔係癲，係雲南嘅『滇馬』，不過啲馬都好有個性，專行啲山崖邊，我騎完嚇到手心出汗、大髀都損埋。」她又謂愛上納西少數民族的熱辣辣米糕，每日當早餐、甜品，食足7天。
採訪：DebbieLum