一索得男嘅曹永廉，佢近日心情靚爆，又啱啱拍完劇，正好日日照顧老婆姜依蘭（小圖），阿廉噚日話：「呢幾日天氣凍，我同太太都問過醫生，或者等過幾日暖啲先接囝囝Brandon出院，佢早產得5磅半太瘦啦，醫生話佢有少少面黃，不過冇大礙嘅，叫我哋唔使擔心。」阿廉話岳父姜大偉同岳母李琳琳今日揸車接依蘭返屋企坐月。