蔡少芬同內地演員男友張晉(小圖)，將會喺今個月12號下午兩點半喺西貢嘅香港神學院大禮堂舉行婚禮，到時張晉父母都會專程由重慶嚟香港觀禮，一對新人休息幾日之後，會返男家家鄉重慶擺喜酒。聽聞Ada揀香港神學院行禮嘅原因，除咗因為嗰度夠僻靜之外，仲因為由佢沙田新居碧濤花園出發，只需15分鐘車程就去到喎。