為紀念6位已故樂壇巨星的港台製作電視特輯《不死傳奇》，上月22日首周推出的《不死傳奇：羅文》平均收視有17點，約110萬觀眾捧場，而上周六播映的《不死傳奇：香港的女兒．梅艷芳》，平均收視更高達19點，觀眾人次約123萬，位列周六、周日收視三甲節目，可見羅文和阿梅雖然離世多年，但從未被香港觀眾遺忘。
稍後港台將陸續推出鄧麗君、張國榮、黃家駒和陳百強特輯，其中莫文蔚憶述張國榮是她的思想導師，經常幫她解決疑難雜症；譚詠麟則指陳百強（Danny）其實最珍惜朋友，小時候他為Danny寫的紀念冊，對方在生時仍一直好好保存。 撰文：林妃
鄧麗君娛樂家人
第3集《不死傳奇：鄧麗君》
播出日期：5/1
人靚聲甜的鄧麗君，95年5月8日在泰國猝死，雖然她離世超過12年，其弟鄧長禧仍忘不了小時候跟姊姊共處的快樂時光。
鄧長禧說：「小時候家裏沒有電視，只有收音機，媽媽喜歡聽歌、看電影，有時間就讓我姐姐聽白光、周璇，聽了兩三遍姐姐就會唱，碰上晚上沒有娛樂就讓她唱歌給大家聽。」
張國榮助Karen忘憂
第4集《不死傳奇：張國榮~美麗的散步》
播出日期：12/1
張國榮03年4月1日跳樓自殺身亡，全世界歌迷無法相信和接受這個事實，包括稱張國榮為uncleLeslie的（Karen）在內。莫文蔚說：「我膽敢自稱係張國榮第一個歌迷，嗰時媽咪喺麗的電視做高層，要花仔花女上鏡就會搵我，嗰次亞洲歌唱大賽我同哥哥都在場，大家聽到張國榮唱英文歌，覺得好有型好正。uncleLeslie係我尊重嘅長輩，我有疑難雜症，佢會提點幫忙，佢係我嘅mentor（良師）。」
黃家駒獨愛紅色
第5集《不死傳奇：黃家駒》
播出日期：26/1
曾是Beyond靈魂人物的黃家駒，93年6月在日本一電視遊戲節目中由高處墮下，重傷昏迷多日後，於6月30日終告不治。其弟兼Beyond成員的黃家強在節目中說：「多年前我哋仲係地下樂隊，第一次做騷係喺堅道明愛，出騷要做歌衫，家駒做製作出身，佢安排我哋去廠家度買布料，家駒揀咗紅色，佢特別鍾意紅色。」
阿倫Danny君子之交
第6集《不死傳奇：陳百強》
播出日期：2/2
陳百強92年5月被發現在家中昏迷，留院17個月後，於93年10月25日逝世。從小便跟陳百強認識的譚詠麟說：「嗰年Danny去外國讀書，起程前四圍搵朋友簽紀念冊，我寫咗四個字畀佢，就係『君子之交』。多年後，Danny出唱片紅咗，有次佢攞嗰本紀念冊出嚟大家睇，發覺佢可以保存咁多年，佢係珍惜朋友嘅。啲人話佢孤獨，但可能佢就係喜歡呢種君子之交淡如水嘅感覺。」
