倒戈倒到對方球迷都鼓掌致敬，韋斯咸球星龍格保都不枉此生咯！前晚呢位前瑞典國腳首度重返阿聯酋球場，賽前司儀大叫：「我哋嘅龍格保返嚟啦！」全場6萬幾人隨即鼓掌歡迎。雖然龍格保表現唔算出色，仲喺37分鐘因傷被換出，最終韋斯咸亦以0:2落敗，不過出場嗰陣球迷起立鼓掌，相信佢定會畢生難忘。