周六英超休戰，讓路予英足盃上演第3圈賽事，咁嘅情況點少得我畢傑推介早飛。熱刺同雷丁啱啱6日前先喺聯賽碰頭，雙方合共炮製出10個入球，咁啱雷丁話明唔要足總盃，周六兩軍再遇就翻冧「大」啦！畢傑
1〉星期六24 熱刺vs雷丁
上月29號，熱刺聯賽主場大勝雷丁6:4，擺到明兩隊防線有問題，但攻力又勁噃。熱刺新帥拉莫斯一向鍾情盃賽，睇吓佢教西維爾嗰時，歐協盃同西班牙盃個陣仲強過聯賽，就知拉莫斯有心喺盃賽稱雄。我相信6:4場波「大四喜」嘅貝碧托夫，會同羅比堅尼正選攻堅。
熱刺不設防未解決
今季留意開熱刺嘅球迷，都知無論係前領隊祖爾或拉莫斯領軍，球隊防線都有問題。上場聯賽1:2敗走維拉公園，後防中路空位多到痹，由復出嘅戴臣拍住出擊型嘅卡保奧，令對手嘅勞基摩亞同艾邦拉荷有大把射門機會。
熱刺防線除咗加里夫巴利、伊高圖、加特拿及列卡度洛查續養傷外，上場傷出嘅卡保奧周六或缺陣，唔係又搵占邦達串演中堅呀嘛？咪玩啦！就連拉莫斯自己都話對現有嘅守將冇晒符，要喺出面搵啲好貨返嚟喎，就知熱刺條防線繼續仲要失波。
雷丁護級話明棄盃賽
好彩，雷丁嗰邊賽前話咗唔想晉級，好似前鋒傑臣就講明寧願聯賽留級好過，英足盃唔使預佢哋喎。咁嘅作戰心態，落到場真係俾熱刺任射唔嬲啦，再提吓讀者㖭，雷丁喺聯賽21戰失咗44球，失球數字僅比榜尾打比郡少兩球咋。
最搞笑係，雷丁一直同博彩公司Bet365嘅關係超密切，原來佢哋訂下一條規例，如果雷丁同對手打和0:0嘅話，買咗波膽、半全場等嘅波友全部有得退款！換言之，即係鼓勵雷丁打進攻足球啫？我好有信心熱刺喺周六又再同雷丁大手交易，早飛快買「大」啦！
2〉星期六10 查爾頓vs西布朗
西布朗有望嘆「查」
查爾頓近期防線鬧兵荒，米斯外借完畢離隊，戴卓爾、哥利基比斯及巴斯全部續因傷缺陣，迫使領隊柏度要收回外借至斯肯索普的尤加，以填補空缺，而這名法國守將周六將正選登場。西布朗可排出較強陣出戰，格寧、占士摩利臣及巴尼特等主力會披甲，縱使有傳赫臣將離隊，影響不大；至於近年兩軍對賽，作客的一方多數能取勝而回，就博西布朗可晉身第4圈。《客軍值捧》
3〉星期六11 車路士vs昆士柏流浪
車仔冇風起「大」「浪」
車路士續有馬基列尼、舒夫真高、泰利、杜奧巴及馬隆達養傷，而中堅卡維奴將要停賽，中場林柏特有傷上陣成疑，但波歷克及祖高爾等料會在周六正選披甲。昆士柏流浪雖為英冠球隊，但近期走勢不俗，對上6戰取得4勝攻入12球，其中達米安史超活及布斯沙基腳風大順，有力射破車路士大門，而布斯沙基更正式從普利茅夫買斷。與其吼車仔「主勝」，取「大」會簡單一點。《吼「大」更合》
4〉星期六12 高車士打vs彼德堡
高車盛勢彼德有難
高車士打上場憑倒戈的前鋒列斯比梅開二度，作客2:1擊敗前列的查爾頓，賽後全體隊員稱信心及士氣大增，而周六迎戰乙組仔彼德堡，更有中場艾錫傷癒復出，實力更強。彼德堡暫排英乙的第5名，且近期不斷增兵，包括簽得韋甘比左閘湯姆威廉斯等，但球會明言升上英甲才是今季首要目標，料不少主力將被收起。更何況，彼德堡在快車檔期4戰中有兩場是作客，主W穩。《睇好主W》
5〉星期六13 愛華頓vs奧咸
愛華頓中場弱小勝格
愛華頓中場卡希爾及加維臣均有微傷在身，周六迎英甲奧咸時或被收起，奧士文因傷缺陣。不過，領隊莫耶斯一向喜在盃賽遣強陣，預期安祖莊臣、阿廸達及尼史葛等要員會登場，惟陣式應維持在「4-5-1」。奧咸暫於英甲排第13位，但對上6場作客錄得全勝佳績，包括上仗3:1擊敗前列的列斯聯；領隊舒利丹賽前稱雖雙方實力有差距，但不會刻意求守，就博拖肥糖小勝開「和局」。《拖肥小勝》
6〉星期六21 新特蘭vs韋根
新特蘭料踢守「細」波
新特蘭上場聯賽僅負一球12碼予布力般流浪，表現未算太差，周六英足盃迎韋根時將缺傷兵卡路士艾華斯、諾斯禾菲及羅素安達臣，以及要坐波監的約基。鑑於雙方同要在聯賽護級，料戰意一般，首選1.75倍「細」。韋根上場雖迫和利物浦1:1，但全場踢法甚消極，只靠巴布爾時來運到的入球才保不敗；何況復出的希斯基欠狀態，[+1]的「客勝」都要唔過，取2.05倍主W及「細」。《取「細」更佳》
7〉星期六26 屈福特vs水晶宮
屈福特主W值博
屈福特外借至昆士柏流浪的中場加雲馬漢，將於短期內正式加盟球隊，但這未影響球隊中場力量，上場聯賽便以3:0作客大破修咸頓，其中廸米恩法蘭西斯及馬龍京治等腳風頗順，周六迎水晶宮時將續正選上陣，1.9倍單W已夠分頭。水晶宮所有賽事計已13場不敗，但陣中幾名新星包括史簡尼爾及保斯托克均被大球會挖角，有傳巴塞、車路士及利物浦俱有意簽入保斯托克。《主W好分》
8〉星期六27 韋斯咸vs曼城
韋咸成籮傷兵捧對家
韋斯咸與曼城同樣喜歡在盃賽遣強陣，可惜前者目前傷兵太多，難兼顧聯賽及盃賽兩條戰線。龍格保上場對阿仙奴再次傷出，將肯定與比拿美、森莫亞、戴亞及法拔等缺陣，至於柏加、蘇蘭奴、加比頓及艾法寧頓等全部有傷在身上陣成疑，平手都捧唔過。曼城有艾蘭奴復出後，上場亦取得入球助球隊2:0擊敗紐卡素，料路蘭度比安基及夏文等要員俱獲正選。《曼城較穩》
周末早飛超級重心
《英足盃》
星期六10
查爾頓vs西布朗
讓球：西布朗（平）
星期六12
高車士打vs彼德堡
主客和：高車士打勝
星期六13
愛華頓vs奧咸
讓球主客和：愛華頓和[-1]
星期六24
熱刺vs雷丁
入球大細：大