86年至今，數數手指已經22年。談的不是一個品牌，而是一對球鞋。一個鏗鏘簡單又易記的名字──Dunk，頭尾兩間雙色相撞的經典外觀，令它進化成Classic鞋款。由籃球鞋成長至高峯期的板鞋，甚麼色、甚麼面都幾乎玩盡，鞋迷對Dunk的情感實在悲喜交集。踏入08年，Nike頭炮第一擊就以86對歷代NikeDunk展覽，宣傳VintageDunk及08新Dunk系列。曾跟Dunk戀愛的人，不可錯過今次與舊愛相逢的約會，再預覽08新貨，看看能否跟它再擦出愛火？
記者：許維雅
攝影：梁細權
「BeTrue」簡單扮懷舊
08年Nike第一擊就選中Dunk全力催谷，主力噱頭出復刻。這22年來色彩、花紋出盡，深明怎也不及還原基本步好，愛Dunk的人都係喜歡它的Classic。以「BeTrue」為主題的復刻系列，單單選中80年代的DunkHi籃球鞋回歸，推出簡單雙色共7色VintageDunkHi。打正旗號玩懷舊，除刻意於鞋身染上米米黃黃的色澤，多重加工製造出殘舊效果，更配上淺橙色鞋盒營造懷舊味道。復刻效果似唔似主題所講真的一樣？記者就有保留，但能帶出Dunk最Basic的原汁原味，的確能夠引回不少迷失的Dunk迷歸隊。
Exit展覽回顧86對Dun
Dunk迄今22年歷史，由早初籃球高筒鞋，衍生至DunkLow，再演變成改良加厚鞋墊的板鞋DunkSB，至後期不斷交叉品牌，都能一一製造話題。80年代籃球Dunk一出，保護腳踝的貼身設計，加上鮮明色彩，立刻成為美國8大院校的籃球員必着。
為配合復刻Vintage主題，Nike特別於Exit展出86對珍藏舊Dunk，讓人懷緬一番。當中有不少曾經於潮界製造話題的經典鞋款，大部份都係收藏家的寶貴珍藏。如跟SUPREMECrossover的裂紋及仿TIFFANY包裝的粉藍球鞋，都係Dunk迷值得一再回味之作。展覽場地更會佈置成NikeDunk的漫畫世界，以日本漫畫MangaArt形式演繹，大家萬勿錯過。
852Brian：「第一代Dunk本來用嚟打籃球，已經有好多板仔着，因為鞋底平，適合踩板。到01年Dunk停產後，Nike希望可以打入滑板市場，於是諮詢A#設計師意見，我哋立刻建議再出Dunk，因此有DunkSB的誕生。只係略嫌Dunk後期出得太多顏色，有啲濫咗嘅感覺。」
HotChannel阿然：「近年DunkLow比DunkHi受歡迎，呢批VintageDunkHi都要睇市場反應，未必咁樂觀。其實Dunk最勁嘅年代係出ProSB。咁多年，矚目鞋款有彩虹Dunk，但論炒價最勁係Chocolate第一代，同埋Medicom跟Be@rbrick出嘅鞋款。」
08新款雙色永遠煞食
Dunk多年來的鬼五馬六，的確有話題有Noise。但對於真正用家而言，簡單雙色設計先係永遠長青、不死的球鞋。今季全新Dunk的6個鞋款都以黑色作底色，襯上最Basic的黃、灰、藍、紅等原色，再配上白剔。鞋面設計上，以裂紋襯網面及暗蛇皮紋帶出新一季Dunk的細緻Detail。
女Dunk玩色彩
不知是否籃球鞋及板鞋的形象已根深柢固，女裝Dunk的感覺始終稍為遜色。因此今勻以色彩討女孩子歡心的設計的確明智，希望較易襯衫啲，同樣有全黑、全白選擇。
左：灰×紅NikeDunkHiPremium'08$819/b（2月18日發售）；中：白色NikeDunkLow$799/b（3月10日發售）；右：黑×黃×啡NikeDunkLow'08$599/b（1月10日發售）
店舖查詢：
a/EXITbydouble-park
地址：尖沙嘴漆咸道南73號地庫
電話：27221751
展覽日期：1月8日至2月7日
展覽時間：12nn至10pm
b/Nike（28955912）
尖沙嘴海港城港威商場2樓2612號舖