同一個男仔拍拖個幾月，前日佢第一次叫我去佢屋企。佢話入房畀小妹玩吓佢至愛嘅寶貝，玩玩吓覺得唔妥，一摸，點解少咗啲嘢，唔好心邪，係講緊嚿亁電池！小妹問佢點解將新買嘅高清手提電腦，將嚿充電池拆咗出嚟？
佢話網上好多人都咁講，充電池都有壽命，充電會有一定次數，充得太多就會「死」，而部電腦用緊濕電，其實都會用埋電池嘅電，即係嚿電池一直咁消耗電力再充電，加快死亡，所以用緊濕電就要拆舊電池出嚟。
「梗係唔使咁麻煩啦！」理工大學機械工程系工程師盧覺強話，手提電腦接駁火牛之後，會自動使用濕電嚟運作，停止再用機內充電池嘅電，而且，充電池內置開機，即係當電池已經叉夠電，會自動停止充電功能，嚿電唔會不停咁叉電；所以，就算唔拆嚿充電池出嚟，嚿電池都唔會因為消耗得多而快啲玩完。
逢周一至周四刊出