新年伊始人人都想熱熱鬧鬧，曼聯領隊費格遜亦唔例外。不過前晚主場1:0贏伯明翰場波，7萬5千幾紅魔球迷好似瞓着咗冇晒聲氣。搞到賽後費爵爺好唔高興咁講：「簡直就係一場喪禮！球隊的確經歷一啲唔如意，不過呢個時候正需要球迷助威，但班人好似死咗咁！」阿sir發爛渣，曼聯球迷記得下次大聲啲叫啦！