李克勤最近忙於綵排農曆新年舉行嘅紅館個唱「你的克勤演奏廳」，佢本來喺年初二開始，即下月8日開始至14日舉行7場，但因為啲飛賣得好，克勤決定加開3場，即係唱到17號。克勤呢排除咗忙於綵排，又要兼顧出席各大頒獎禮，但佢去完新城頒獎禮，缺席商台《叱咤》頒獎禮，唔知係咪嫌少獎，其實個唱反應好，仲實際過攞獎啦。