姜大偉長女姜依蘭（Elaine）前日為丈夫曹永廉誕下5磅半男嬰Brandon，昨日曹永廉到醫院照顧愛妻。為答謝醫護人員悉心照顧太太和Brandon，曹永廉昨午特別購買西餅給護士品嚐，非常有心。
太太興奮
由於Brandon早了一個月出世，曹永廉夫婦還未及準備嬰兒床，曹永廉昨選購嬰兒用品時說：「鄭嘉穎同林文龍話會送床仔畀我，好多朋友啱啱做完人情，我都唔好意思再要人送嘢，但大家送我又唔拘。」
問到做爸爸的心情如何？曹永廉說：「我噚晚返到屋企，斟咗杯紅酒飲，relax吓，太太都好興奮，要食安眠藥先瞓到。」他表示大家均讚靚B似岳父姜大偉，他說：「但我就覺得BB似自己，太太都有啲唔忿氣。」阿廉又表示為Elaine聘請了陪月。
此外，鄭嘉穎昨日傍晚也到醫院探Elaine，問他可會與Brandon上契？他說：「我要睇咗辦先，呢啲嘢好講緣份。」
採訪、攝影：王崇穎