花旗股市周一下跌收市，結束咗2007年，就連大戶都冇乜心機為櫥窗粉飾盡最後一分力，可能因為大家對08年嘅前景都冇乜信心。
如果呢個講法係啱嘅話，咁樣周一港股大幅造好就有啲啓示嘞，唔怪得新聞話港人對今年嘅信心係全球「冧巴溫」。周一港股個勢咁好，今日應該唔係好受花旗股市影響，新年嘅第1日，有機會試吓28000關。
今年睇好樓市同地產股唔錯得去邊，按揭證券公司驚大家唔夠信心，將按揭保險伸延到買樓收租嘅市場，唔使一定自住先至合資格，即係話樓市上升嘅動力又大咗。
新地C輪3885：買地產股買大隻嘅穩陣好多，新地（016）假前收165.6元，升咗4.1巴仙，下一站睇185元，可以諗吓隻C輪3885，現價27仙，有效槓桿率3.8倍，正股升上185元，3885應該喺40仙樓上，正股跌穿157元止蝕。