鄭秀文（Sammi）前晚與劉坤銘夫婦到中環麗嘉酒店出席除夕倒數Ball，至昨日凌晨一時左右她便先行離開，等開車期間更伸脷扮鬼臉，似乎心情不俗。談到新年願望，Sammi說：「我希望開心同快樂。」心情亢奮的她可是喝了不少酒？她否認道：「冇呀，我飲橙汁咋。」對於何韻詩跌出港台十優歌手之列，她就謂：「你哋咁快知，我會打畀阿詩，新年快樂。」
「我冇過夜」
與Sammi份屬同門的楊千嬅前晚也有到場，還到時代廣場出席倒數。談到被指到緋聞男友丁子高家中開派對兼過夜，千嬅謂：「已經俾人笑足成日，我冇過夜，如果過夜，唔會咁蠢揸車去啦！」至於有否機會發展，千嬅表示任何人都有機會，又說：「佢係一個感覺唔壞嘅朋友，上人屋企都唔係好大件事，只係普通社交。」
採訪：梁錦雯
攝影：陳順禎