連贏13場NBA賽事嘅波特蘭拓荒者「年尾香」！佢哋喺美國嘅大除夕晚，作客今季曾經兩次贏過嘅猶他爵士，爆冷輸101:111，13連勝斷纜！唔通真係13不祥？講開又講，呢隊波一開季就冇咗「狀元王」奧丹，幾乎俾人一致睇死。但𠵱家唔單止連贏咗13場，仲排西岸第8，有咁意想不到嘅成績已經令球迷喜出望外，隊中一班球員認真後生可畏！