十多年沒有到過廣州的周慧敏，早前為水晶品牌到當地主持開幕禮，吸引廣州市民站滿三層商場圍觀，令她大感錯愕。周慧敏透露最捨得花錢在護膚和寵物等方面，更會食冬蟲夏草補身，40歲的她雖未有計劃結婚生子，但揚言好事近一定公告天下。
近年專心做善事的周慧敏，早前到廣州為水晶名牌Swarovski的「明亮之星」展覽主持揭幕禮，她出動私伙CarolinaHerrera紅白花裙，配襯大會的紅色水晶鏈，少有地性感露香肩。
抬頭打招呼
已十多年未到過廣州的周慧敏，吸引了大批市民，站滿三層商場看熱鬧，連她都為之錯愕，頻頻抬頭與二、三樓市民打招呼，中途更即興走近與市民握手，但後排圍觀者群起湧向欄杆，場面混亂。
周慧敏表示一向愛買水晶，喜歡水晶晶瑩冰亮的感覺，她又指自己是個十分容易滿足的人，她說：「我好滿足𠵱家嘅生活，簡簡單單。」何時會結婚？她說：「我小時候的確有結婚生仔嘅諗法，但𠵱家就冇呢個念頭，結婚生子係會發生，但唔會喺現階段發生，不過如果我結婚，一定唔會秘密進行，因為結婚係人生大事，我會公開。」
唔好食太飽
現年40歲的周慧敏，多年來彷彿不會老，保養得宜，她歸功於正常的生活作息，她說：「都係很簡單，好似瞓得足，每餐唔好食太飽，多食水果咁。其實我都有食中藥調理身體，例如食冬蟲夏草，雖然比較貴，但效果好好。」
撰文：DebbieLum
