踏入08年有人快樂有人愁，何韻詩與周杰倫被踢出今年港台十優歌手之列，張敬軒首度入圍歡天喜地。前晚阿詩心有不甘地缺席港台在銅鑼灣的倒數活動，港台指她怕尷尬才甩底，阿詩昨日直言不知優秀的標準為何，更揚言將缺席港台稍後的兩次頒獎禮，也不怕關係惡劣，火藥味籠罩新年。
香港電台前晚大除夕夜在銅鑼灣時代廣場舉行「全港倒數2008迎奧運」，同時公佈「第三十屆十大中文金曲──優秀流行歌手大獎」及「全國最佳中文歌曲/歌手獎」最後五強。今年十優歌手計有古巨基、李克勤、側田、張敬軒、陳奕迅、劉德華、Twins、容祖兒、楊千嬅和衞蘭，古巨基與側田不在港缺席，劉德華正舉辦個唱也未能到場，其餘得獎歌手均有到場。
「拿揑唔到標準」
去年Twins因未入十優而臨時缺席，今年與周杰倫同被踢出十優的何韻詩，除步Twins後塵玩臨時甩底外，其行動更升級至缺席港台稍後的兩次頒獎禮。前晚大會總監馮偉棠對此表示：「我哋下午開始通知歌手有冇得獎，阿詩喺6點幾通知我哋話無謂尷尬，所以唔到。」
阿詩昨日接受電話訪問談到是否很失望，她說：「我唔驚訝，呢幾年呢個台都唔太支持我嘅音樂，我參加咁多年都冇畀過歌曲獎我，我一開始已拿揑唔到佢哋嘅優秀標準。」阿詩謂稍後港台舉行的兩次頒獎禮都不會出席，問怕不怕被指小器？她說：「咁講法我前兩年都唔去啦，啲人都問我係咪得罪咗港台呀。」
「我冇資格杯葛」
問到是否不夠落力幫港台出騷，阿詩說：「早年我都有幫佢哋做DJ同嘉賓，唔知乜叫落力，我以為優秀標準係做好啲歌。我冇資格杯葛港台，只係我個人同呢個機構有出入。」問她不怕與港台關係惡劣？她說：「冇乜所謂，落唔落力都冇分別，我努力大家會知，港台頒獎禮嗰晚我會喺屋企檢討。」
港台頒獎禮會於十優歌手中，再選出最優男/女歌手，男歌手由陳奕迅與古巨基領先，女歌手是楊千嬅與容祖兒之爭，由1月3至10日樂迷可經SMS投票，頒獎禮當晚都會有即場投票選出最優男/女歌手，賽果隨時有變。
對於好友阿詩未能獲獎而缺席，祖兒說：「佢咁有型，有冇獎都冇所謂，只要支持佢嘅歌迷仍然支持佢咪得囉。」張敬軒首次入選十優，感到得到肯定，有報道指古巨基要打壓他，軒仔笑言：「我諗唔會啩，可以同一線歌手比較，即係代表我有進步。」
採訪：胡比
攝影：陳慧安
