容祖兒前晚得女歌手金獎時，台下有女觀眾大叫「收皮」，事後她被問到此事時說：「係呀？我聽唔到喎，咁就當聽唔到啦。一個人永遠有人鍾意或者唔鍾意，我唔係未經歷過更差嘅階段，今日我學識感恩，唔好抹煞我嘅努力，我有今日嘅成績已經好滿意。」對於四台聯頒大碟獎敗給吳雨霏，祖兒說：「呢個獎都係我目標。」
阿詩大讚商台
何韻詩前晚與組合農夫同獲兩個獎，大讚商台有慧眼，她在慶功宴說：「下次擔心佢哋（農夫）攞埋女歌手獎呀，佢哋唔係爆冷，係暗湧。」在旁的許志安插口：「真係暗湧呀，我都替阿詩冇（港台）十優不值，阿詩今年成績有目共睹。」阿詩則謂：「你應該好有共鳴，我開始暗戀許志安呀。」
採訪：馬建華