許懷欣噚日喺新城接受訪問，佢話因為要做嘢，所以冇同屋企人一齊過除夕，佢舊年喺樂壇成績雖然唔理想，但係佢都有出席各大頒獎禮，去戥人開心咁話喎，尤其見到唔少band友都有成績，佢話今年都要加把勁。懷欣話：「我𠵱家好努力咁做新碟，5月應該會推出，希望到時大家鍾意我啲歌，爸爸（許冠傑）聽過都話今次啲歌唔錯。」