窩輪搏擊:中交建發威 炒6865 - 俊樺

窩輪搏擊:中交建發威 炒6865 - 俊樺

花旗股市周一晚跌咗過百點收市,港股昨日低開,之後倒升過幾十點,跟住又俾淡友質返轉頭,最多跌過500幾點,收市只係跌252點,已經算好叻,雖然係下跌收市,但恒指嘅大勢仍然係喺10日線上面整固。
港股今年第1個交易日雖然表現曳啲,但係歐洲股市開市嘅表現就唔錯,如果花旗股市都可以做番好啲,咁樣今日港股都唔應該太差,有機會反彈番啲,只不過28000關阻力唔細,暫時唔可以睇得太樂觀。

中交建C輪6865:中交建(1800)昨收21.75元,升6.3巴仙,已經好耐冇見過佢咁威。昨日喺低位抽上嚟,成交咁大,應該唔似炒反彈咁簡單,昨日曾見過22元高位,如果破到呢個位,可以上試24至25元,買啲C輪6865短炒,隻輪昨收42.5仙,槓桿率5.1倍(有效3.7倍)。
中交建升上25元,6865應該喺68仙樓上,正股跌穿20.5元止蝕。