今時今日不少上班族父母要靠外傭照顧子女，網民「JHY」八個月前找到兩歲半兒子肯跟的女傭，不料自此囝囝心中只有這個姐姐，「佢同姐姐喺度玩，我行埋去，佢竟然叫我走開。」
要有親子時間
可憐天下父母心。「W_y」安慰道：「花多啲時間心思同佢玩啲有趣親子遊戲，自然會跟返你。」「kantanjin」的絕招是：「晚晚勁快食完飯，就不停同BB玩，星期六，日全日湊住。」「tramtram」說：「同工人姐姐講，叫佢我教女時佢行開。」
電台親子節目主持人鄧藹霖當年也為此感傷心：「積極方法係自己放工後要照顧仔女，例如幫佢換尿片、冲凉及餵奶，等佢望多啲你。響外邊就多啲打電話畀仔女，重複提佢自己幾時返屋企，又提醒工人間中要向子女提及父母。」
臨床心理學家朱嘉麗教路：「要用輕鬆態度面對，唔好內疚，對仔女唔好打罵。佢嘅瞓覺、大小便及冲凉都係促進雙方關係嘅重要時刻，同仔女一齊玩佢哋有興趣嘅嘢可以事半功倍。其實，當仔女大咗識諗後，佢哋始終會親番父母。」
http://forum.baby-kingdom.com/viewthread.php?tid=1242728&extra=page%3D1