電視台呢排日日狂谷高清廣播，廉署唔拍高清《廉政行動》，反而搞咗套《廉潔香港》嘅電台廣播劇。呢個廣播劇係廉署08年反貪宣傳頭炮，由飛魚王子方力申擔正飾演ICAC調查員，親身演繹一啲由真實個案改編嘅故事，好似打假波案、內地生賄賂大學教授案咁，題材圍繞後生仔日常遇到嘅問題。因為廉署留意到近年平均都有15%被控人士係18至30歲嘅後生仔，決定加強向年輕人宣傳防貪。
方力申話第一次演ICAC幹探，仲要拍住名DJ鄭子誠，點都有啲壓力。呢個節目一連八集，由1月4日開始，逢星期五下午兩點半喺香港電台第二台《MadeinHongKong》節目播出。