徐克最近正積極籌備新戲《女人不壞》，呢部戲係由吉安永嘉公司投資，主角有周迅、桂綸鎂同張雨綺，部戲劇本係由曾執導《我的野蠻女友》嘅韓國名導演郭在容（小圖）編劇。原來郭在容一直好欣賞老徐，希望可以合作，點知後來老徐主動提出搵佢寫劇本，仲打算請佢下個禮拜二（8日）一齊出席呢部戲喺北京舉行嘅記者會。