新年快樂！08年絕對係新車湧港嘅一年。今年單係日本方面已預計有超過10款新車會到港，當中不乏高性能跑車；如SubaruImprezaWRXSTI同埋LexusISF；而家庭房車同中型豪華房車則有HondaJazz同Accord、Mazda6等，車迷揀都有排揀！
記者：鄭達基
08火辣勁旅
期待指數：★★★★★
去年舉行嘅東京車展，Subaru終展出咗新一代ImprezaWRXSTI；即使跟其他同門兄弟一樣轉用掀背車Style示人，但始終係頂級STI版，所以你可以喺佢身上搵到全車包圍同BBS提供嘅18吋跑車合金軨，車廂亦可以搵到RECARO跑車桶椅。
另外，嗰台似曾相識嘅2.0公升水平對向四汽缸引擎，終突破280匹馬力輸出規限，達到308匹，扭力更可以去到43.0kgm，加上SI-DRIVE系統，加速反應比以前爽快得多。
423匹悍馬
★★★★★
為迎擊NissanGT-R嘅進襲，Lexus特別推出ISF抗衡；佢有全車包圍之餘，連胎軨都係19吋款式！另外，Lexus為佢搭配一台5.0公升V8自然吸氣引擎，馬力有423匹外，扭力更達51.5kgm。波箱則係一套8前速SPDS自動波，佢具有軚盤轉波功能外，就連轉檔時間都可以大幅度縮減，大大提升性能表現。
新生代攻市場
期待指數：★★★★★
甫推出就變熱賣車款嘅HondaJazz，新一代型號喺早前已於日本登場，賣相比舊有型號嚟得更吸引嘅同時，車廂空間也得到擴充。市場更有傳代理將引入嘅新Jazz，會配用1.5公升i-VTEC引擎，馬力120匹，實行以此抗衡一眾同級家庭房車。
回歸港車壇
期待指數：★★★★★
喺香港車壇消失咗一段時間嘅MitsubishiLancer終於回歸，但今次卻升級至2.0公升，同喺日本熱賣中嘅GalantFortis一樣，馬力同達154匹，波箱則係附有6前速+/-轉檔功能嘅CVT版本。外觀方面，則加有全車包圍同18吋胎軨，完全擺出一副勁辣房跑嘅姿態。
日製有信心
期待指數：★★★★☆
啱啱推出嘅新一代HondaAccord，賣相同車廂陳設都傾向歐洲化，而後者嘅空間感更因為後座腿部空間多咗25mm而大咗㖭！引擎方面，暫時就只係得一台馬力加多10匹去到180匹嘅2.4公升型號，應付香港路面夠用有餘喇！不過，最重要都係新車終於變番MadeinJapan嘛！
升格2.5
期待指數：★★★★☆
早喺唔同嘅國際性車展現身嘅新一代Mazda6，有望喺今年首季殺入香港；佢嘅外形變得更Sporty之餘，有傳機械配搭會有基本嘅2.0公升型號外，頂級版本所用嘅引擎更會由原來2.3公升升級至2.5公升，以滿足Fans喺性能表現上嘅要求。
