楊崢早輪去柬埔寨旅行，順道出席慈善相展，又凌晨5點起身睇日出，不過佢話最有意思係去咗名勝吳哥窟，佢話：「裏面有篇經文，導遊解釋話經文教放低唔開心嘅事，我跟住學，用背部貼住牆，大拍心口三次，之後真係覺得成個人輕鬆晒。」不過楊崢話對比呢個悲情國家嘅人民，自己嘅唔開心只係小事。