前晚韋斯咸喺英超反勝曼聯2:1，幫韋斯咸扳平嘅球員，就係曼聯中堅里奧費廸南嘅細佬安頓費廸南。安頓無論喺國家隊抑或球會嘅成就，都俾里奧騎住，亦矮里奧兩吋多；而前季佢同大佬喺英超鬥入得波多，結果亦以1球之差輸咗。但前晚佢就叻番次，仲要做埋贏波功臣，睇到佢入波後個興奮樣，真係乜都贏番晒咁。