玩具大王蔡志明嫁女的破紀錄喜宴，前晚在灣仔會展舉行，主人家輪流上台唱歌，唱足全晚，連到賀蔡加敏的郭富城，都即興上台以一曲《愛的呼喚》娛賓，城城歌酬等閒一首十萬八萬，都算畀足禮！
東華前主席馬鴻銘迎娶蔡志明長女蔡加敏（Carmen），前晚破紀錄的174圍喜酒，入場及散場都要大排長龍，十分誇張。當晚由陳百祥及楊玉梅做司儀，晚上9時，一對新人上台祝酒及切巨型的五層蛋糕，祝酒過後再大放煙花，據知已懷有身孕的新娘蔡加敏，因經過日間的勞累，之後就返回主家席休息。
新娘感動泛淚
不過台上就繼續熱鬧，眾人輪流上台唱歌，李樂詩收足酬金唱《真情》等三首歌娛賓，之後就到蔡志明夫婦上台唱《愛的真諦》，緊接新郎馬鴻銘又唱兩首陶喆情歌，包括《太美麗》及《愛很簡單》，聽得台下的蔡加敏眼泛淚光。到賀的天王郭富城，獲安排與新人一同坐在主家席，他上台時先祝福新人，之後說：「我今日冇乜準備，送一首歌畀佢哋。」即興唱了一首《愛的呼喚》，以城城平日出騷歌酬計，這份賀禮差不多十萬。
黎姿坐足全場
至於紅娘黎姿就一身Valentino晚裝到賀，並上台分享新人相識經過，她坐足全場，至11時半才離開，黎姿說：「好感動！尤其父母上台唱歌同John（馬鴻銘），唱得好好！我成晚喺後台幫Carmen手。」問到其弟黎嬰能否出院過新年？她說：「未知住，佢𠵱家仲係train緊，進步中。」
採訪：顏英儀、藍文浩
攝影：仇志德、黃文成
