朱茵、潘源良和胡蓓蔚昨日在中環出席「星巴克爵士派對」活動，有指朱茵是男友黃貫中（Paul）與黃家強不和的導火線，涉及家強取笑阿Paul可能是處男的言論，以及朱茵與阿Paul去蘇梅島度假行蹤外洩，疑有人爆料，矛頭又是直指家強。
「唔想捲入漩渦」
朱茵說：「拜託，唔好拖我落水，唔關我事，呢啲係佢哋兩兄弟之間嘅嘢，等佢哋自己了斷，我都唔知佢哋點解不和，我相信家強唔係放料人。」問朱茵會否充當和事老？她說：「唔方便，我唔想捲入個漩渦入面，我亦唔係一個多口女友。」
潘源良則拒絕回應與李麗珍復合的緋聞，他說：「講完啦，我已經SMS去各報館，再問我都係嗰三個字，總之講完啦！」
採訪、攝影：魯萍