31/12/2007.....
天晴
最新動態
英超快車，爆冷賽果頻頻，估唔到勝負，入球「大」反而變成另一種出路；事關體力不足，連帶鬥志都提唔起。上周六8場英超，就有6場開「大」，與小弟一同投注熱刺「主勝」嘅蘋果波神，齊齊見證呢場「64」大戰；愛華頓今季之前一場波未失多個4球，結果主場對阿仙奴一個下半場就失足4粒。
熱刺大勝，固然顯示出貝碧托夫嘅超高把握力，既然係咁，羅比堅尼以後唔好再做12碼劊子手啦！不過拉莫斯始終未執就掂個後防，尤其是應付高空波；羅賓遜嗰種出迎失暈法，中後場又跟波唔跟人，對手一有死球，熱刺就好似失梗波咁。
英超元旦日又開戰，曼聯咁樣俾韋斯咸反勝法，明日主場對伯明翰必定一吐烏氣；尤其係伯明翰連「布魯士」效應都冇，注定做出氣袋！
新年新氣象，〈賭blog日記〉將會以另一形式出現，本欄將暫別讀者，先預祝各位大家08齊齊發啦！
牽牛
英超、意甲、西甲、德甲……一星期有百幾場波，想尋寶，勿濫賭！
http://hk.myblog.yahoo.com/footballexperts/
逢周一至五見報