任賢齊女友Tina再度懷孕，小齊雖已是一女之父，但自言心情依然緊張，並透露已得知Tina腹中塊肉是兒子。小齊謂日後要更努力工作，放棄最愛的危險嗜好，更要在工作與小朋友相處的時間上取得一個平衡。
任賢齊會在內地舉行演唱會，為了帶給觀眾新鮮感，演唱會加插不少新舞蹈，日前小齊為演唱會排舞，為了配合主題，小齊邊揮劍邊跳舞，他更親自挑選了一把靚劍跳舞，原來他一向有收藏劍的興趣。小齊說：「我諗屋企有十幾把劍啦！我以前拍《笑傲江湖》令狐沖用嗰把劍都仲喺我度。」
被迫放棄嗜好
不過小齊透露自囡囡出世後便沒有再收新劍，更要把藏劍收起來，怕女兒拿來玩會弄傷。提到稍後家中將再添一名新成員，小齊說：「係意料之外，完全冇計劃，其實有咗個女之後，個人都成熟咗唔少，𠵱家再多一個，咁我就要更加努力工作。」小齊表示今次女友所懷的是兒子，剛好湊成一個好字，雖然已是一女之父，但心情仍然興奮和緊張。
小齊向來喜歡刺激的活動，包括駕電單車、滑水和賽車，不過自從當了爸爸後，被迫作出取捨，他說：「以往嘅瀟灑都要拋諸腦後啦！因為要照顧屋企，以前有太多堅持，𠵱家要好好經營我嘅事業，為屋企人着想，不過都有矛盾嘅時候，唔想因為太多工作失去同小朋友相處嘅機會，要得到平衡唔係咁容易。」原來好男人心中也曾有過小小反叛，想過偷溜出去玩個痛快，不過最後當然是當機立斷，繼續辛勤地工作。
採訪：胡比
攝影：葉君海
