「陳皮」導演因為一部黃賭毒電影，同識咗十幾年嘅老友導演「西沉」反面，陳皮周圍sent電郵畀各大電影公司同認識佢兩個嘅朋友，要公告天下，話西沉抄佢橋！事緣五、六年前，佢攞咗一個講黃賭毒嘅劇本畀西沉睇，問佢可唔可以合作一齊拍，但當時因為搵唔到投資者，所以部戲擱置落嚟，但前年西沉拍咗一部同類嘅題材，陳皮睇完好鬼嬲，認為古仔內容同佢原先個劇本有九成似，所以佢有一次見到西沉，當面鬧到佢仆街，西沉都唔係省油的燈，當然有還拖，堅決話冇抄佢，兩個鬧到火紅火綠，如果唔係有人勸交，肯定大打出手，自此佢兩個同場撞到，連招呼都唔打，好友變成仇家啦！
Textby關仁