選舉唔止燒銀紙，仲好消耗白紙。今年有區議會選舉又有立法會港島區補選，消費者力量噚日發表報告話，呢兩大選舉各參選人共耗用咗346噸紙做宣傳品，等於砍伐咗一個維園加四個政府大球場咁大嘅樹林。立法會港島區補選兩太之爭咁矚目，葉太輸咗選舉，但用紙量方面贏晒；報告話葉太一共用咗336萬張A4紙去做宣傳，多陳太五成幾，亦係咁多個補選候選人之冠。佢做唔到票后，榮登嘥紙皇后。
反觀陳太點解可以用咁少紙，都贏到選舉呢？原來佢用咗20萬個宣傳電郵、1.9萬個手機短訊。消費者力量話，陳太喺減少砍伐樹木呢方面，起咗帶頭作用。葉太講明出年會再選過，希望佢到時慳啲（紙），支持吓環保啦。