日日做到無停手，搞到想用洗潔精洗頭！網民「dream_dream」說：「又要返工又要湊女，日日都要洗頭」，過去「曾經用3.1焗油，焗完『𣲷』到啲頭髮貼着個頭皮，洗咗好多好多次洗頭水都唔掂，最後要出動洗潔精先得。」因此問網友們，有沒有人用洗潔精洗頭。
網友們大為震驚：「Oh,crazy」、「怕你洗完有主婦首（頭）」、「頭髮傷咗就好難搞番好，要剪晒傷咗嗰啲先得，若用洗潔精連頭皮都搞傷埋就麻煩了。」
鹼性度較洗頭水高
「vic-wing」建議「考慮剪短啲頭髮啦，易打理好多㗎，洗頭快靚正，又快亁」；也有網友說：「去電幾次髮，染幾次髮，啲頭髮可能會變得亁性啲，冇咁油。」
美詩髮型集團技術總監劉繼仲解釋說：「洗潔精係高鹼性嘅，普遍由9度至14度，較7至9度嘅洗頭水高好多，所以用佢嚟長時間洗頭，去頭油會特別勁，頭髮會好『鞋』，好唔順，不過間中用一次，影響就唔會太大。」
http://forum.baby-kingdom.com/viewthread.php?tid=1243855&extra=page%3D1
《蘋果》網聞請你報料！大家無論在網上網外發現任何騎呢搞笑的事情，都歡迎提供照片或短片資料。一經採用可獲酬100元
請附姓名、電話及電郵地址，電郵到：mailto:[email protected]