黃宗澤、廖碧兒、楊秀惠及王貽興等，昨日在奧海城為服裝品牌擔任模特兒。黃宗澤全程拖着童星Jacky仔行騷，他大讚Jacky仔專業又乖巧，與對方合作千萬個放心，更希望將來也生個如此精叻的小朋友。
「唔好信女人」
問黃宗澤何時實行，他說：「要先睇我銀行戶口有冇7位數字，要結婚先、又要有樓先，而且我生仔唔止要400萬，我𠵱家副身家，連生隻手都未夠。」他又強調經濟要獨立，不會靠女友或老婆，他說：「唔可以旨意老婆，女人靠唔住，女人用晒自己錢買嘢，仲要用埋你啲錢，唔好信女人。」
此外，廖碧兒對於名攝影師JC日前逝世傷心不已，她說：「我哋識咗好耐，佢入院有去睇過佢，覺得好可惜，生命可貴，令我更加珍惜身邊朋友。」
採訪：KennethCheung
攝影：EdwardChou
